(1)మరీచి కొడుకు కశ్యప ప్రజాపతి. బ్రహ్మదేవుడి కుడి చేతి బొటన వేలి నుండి దక్షుడు అనే పురుషుడు, ఎడమచేతి బొటన వేలి నుండి ధరణి అనే స్త్రీ జన్మించారు. వారు ఇరువురికి వెయ్యి మంది మహా రుషులు జన్మించారు. (2)బ్రహ్మ మానస పుత్రులలో రెండవ వాడైన అంగిరుసున కు, ఉతధ్యుడు, బృహస్పతి, సంవర్తుడు అనే కొడుకులు పుట్టారు. బృహస్పతి దేవతలకు గురువు ఐనాడు. (3).అత్రి అనే మానసపుత్రునికి అనేక మంది మహా మునులు జన్మించారు.(4) పులస్త్యుడు అనే బ్రహ్మ మానసపుత్రునకు, రాక్షసులు జన్మించారు. (5)పులహుడు అనే మానస పుత్రునకు, కిన్నరలు, కింపురుషులు జన్మించారు.(6)క్రతువు అనే మాన సపుత్రునకు పక్షి జాతి పుట్టింది.

ఆదిపర్వ - అధ్యాయ 258

॥ శ్రీః ॥
1.258. అధ్యాయః 258
Mahabharata - Adi Parva - Chapter Topics
జరితార్యాదీనాం చతుర్ణాం శార్ంగకాణాం పరస్పరం సంవాదః॥ 1 ॥ స్తుత్యా ప్రసన్నేనాగ్నినా తేభ్యోఽభయదానం॥ 2 ॥ శార్ంగకాణాం ప్రార్థనయా అగ్నినా మార్జారాణాం దాహః॥ 3 ॥
Mahabharata - Adi Parva - Chapter Text

జరితారిరువాచ। 1-258-0x(1351)(11169)
పురతః కృచ్ఛ్రకాలస్య ధీమాంజాగర్తి పురుషః।
స కృచ్ఛ్రకాలం సంప్రాప్య వ్యథాం నైవైతి కర్హిచిత్॥ 1-258-1(11170)
యస్తు కృచ్ఛ్రమనుప్రాప్తం విచేతా నావబుధ్యతే।
సకృచ్ఛ్రకాలే వ్యథితో న శ్రేయో విందతే మహత్॥ 1-258-2(11171)
సారిసృక్వ ఉవాచ। 1-258-3x(1352)
ధీరస్త్వమసి మేధావీ ప్రాణకృచ్ఛ్రమిదం చ నః।
ప్రాజ్ఞః శూరో బహూనాం హి భవత్యేకో న సంశయః॥ 1-258-3(11172)
స్తంబమిత్ర ఉవాచ। 1-258-4x(1353)
జ్యేష్ఠస్తాతో భవతి వై జ్యేష్ఠో ముంచతి కృచ్ఛ్రతః।
జ్యేష్ఠశ్చేన్న ప్రజానాతి నీయాన్కిం కరిష్యతి॥ 1-258-4(11173)
ద్రోణ ఉవాచ। 1-258-5x(1354)
హిరణ్యరేతాస్త్వరితో జలన్నాయాతి నః క్షయం।
సప్తజిహ్వాననః క్రూరో లిహానో విసర్పతి॥ 1-258-5(11174)
వైశంపాయన ఉవాచ। 1-258-6x(1355)
ఏవం సంభాష్య తేఽన్యోన్యం మందపాలస్య పుత్రకాః।
తుష్టువుః ప్రయతా భూత్వా యథాఽగ్నిం శృణు పార్థివ॥ 1-258-6(11175)
జరితారిరువాచ। 1-258-7x(1356)
ఆత్మాఽసి వాయోర్జ్వలన శరీరమసి వీరుధాం।
యోనిరాపశ్చ తే శుక్రం యోనిస్త్వమసి చాంభసః॥ 1-258-7(11176)
ఊర్ధ్వం చాధశ్చ సర్పంతి పృష్ఠతః పార్శ్వతస్తథా।
అర్చిషస్తే మహావీర్య రశ్యమః సవితుర్యథా॥ 1-258-8(11177)
సారిసృక్క ఉవాచ। 1-258-9x(1357)
మాతా ప్రణష్టా పితరం న విద్మః
పక్షా జాతా నై నో ధూమకేతో।
న నస్త్రాతా విద్యతే వై త్వదన్య-
స్తస్మాదస్మాంస్త్రాహి బాలాంస్త్వమగ్నే॥ 1-258-9(11178)
యదగ్నే తే శివం రూపం యే చ తే సప్త హేతయః।
తేన నః పరిపాహి త్వమార్తాన్నః శరణైషిణః॥ 1-258-10(11179)
త్వమేవైకస్తపసే జప్తవేదో
నాన్యస్తప్తా విద్యతే గోషు దేవ।
ఋషీనస్మాన్బాలకాన్పాలయస్వ
పరేణాస్మాన్ప్రేహి వై హవ్యవాహ॥ 1-258-11(11180)
స్తంబమిత్ర ఉవాచ। 1-258-12x(1358)
సర్వమగ్నే త్వమేవైకస్త్వయి సర్వమిదం జగత్।
త్వం ధారయసి భూతాని భువనం త్వం బిభర్షి చ॥ 1-258-12(11181)
త్వమగ్నిర్హవ్యవాహస్త్వం త్వమేవ పరమం హవిః।
మనీషిణస్త్వాం జానంతి బహుధా చైకధాపి చ॥ 1-258-13(11182)
సృష్ట్వా లోకాంస్త్రీనిమాన్హవ్యవాహ
కాలే ప్రాప్తే పచసి పునః సమిద్ధః।
త్వం సర్వస్య భువనస్య ప్రసూతి-
స్త్వమేవాగ్నే భవసి పునః ప్రతిష్ఠా॥ 1-258-14(11183)
ద్రోణ ఉవాచ। 1-258-15x(1359)
త్వమన్నం ప్రాణిభిర్భుక్తమంతర్భూతో జగత్పతే।
నిత్యప్రవృద్ధః పచసి త్వయి సర్వం ప్రతిష్ఠితం॥ 1-258-15(11184)
సూర్యో భూత్వా రశ్మిభిర్జాతవేదో
భూమేరంభో భూమిజాతాన్రసాంశ్చ।
విశ్వానాదాయ పునరుత్సృజ్య కాలే
దృష్ట్వా వృష్ట్యా భావయసీహ శుక్ర॥ 1-258-16(11185)
త్వత్త ఏతాః పునః శుక్ర వీరుధో హరితచ్ఛదాః।
జాయంతే పుష్కరిణ్యశ్చ సుభద్రశ్చ మహోదధిః॥ 1-258-17(11186)
ఇదం వై సద్మ తిగ్మాంశో వరుణస్య పరాయణం।
శివస్త్రాతా భవాస్మాకం మాఽస్మానద్య వినాశయ॥ 1-258-18(11187)
పింగాక్ష లోహితగ్రీవ కృష్ణవర్త్మన్హుతాశన।
పరేణ ప్రేహి ముంచాస్మాన్సాగరస్య గృహానివ॥ 1-258-19(11188)
వైశంపాయన ఉవాచ। 1-258-20x(1360)
ఏవముక్తో జాతవేదా ద్రోణేన బ్రహ్మవాదినా।
ద్రోణమాహ ప్రతీతాత్మా మందపాలప్రతిజ్ఞయా॥ 1-258-20(11189)
అగ్నిరువాచ। 1-258-21x(1361)
ఋషిర్ద్రోణస్త్వమసి వై బ్రహ్మైతద్వ్యాహృతం
ఈప్సితం తే కరిష్యామి న చ తే 1-258-21(11190)
మందపాలేన వై యూయం మమ పూర్వం నివేదితాః।
వర్జయేః పుత్రకాన్మహ్యం దహందావమితి స్మ హ॥ 1-258-22(11191)
తస్య తద్వచనం ద్రోణ త్వయా యచ్చేహ భాషితం।
ఉభయం మే గరీయస్తు బ్రూహి కిం కరవాణి తే।
భృశం ప్రీతోఽస్మి భద్రం తే బ్రహ్మంస్తోత్రేణ సత్తమ॥ 1-258-23(11192)
ద్రోణ ఉవాచ। 1-258-24x(1362)
ఇమే మార్జారకాః శుక్ర నిత్యముద్వేజయంతి నః।
ఏతాన్కురుష్వ దగ్ధాంస్త్వం హుతాశన సబాంధవాన్॥ 1-258-24(11193)
వైశంపాయన ఉవాచ। 1-258-25x(1363)
తథా తత్కృతవానగ్నిరభ్యనుజ్ఞాయ శార్ంగకాన్।
దదాహ ఖాండవం దావం సమిద్ధో జనమేజయ॥ ॥ 1-258-25(11194)

ఇతి శ్రీమన్మహాభారతే ఆదిపర్వణి మయదర్శనపర్వణి అష్టపంచాశదధికద్విశతతమోఽధ్యాయః॥ 258 ॥

www.sanatanadharm.com - play store app (sanatana dharm)

"Bharathiya Sanatana Dharm" and Sanatana Dharmam & Dharmo rakshati Rakshitha logo are our trademarks. Unauthorised use of "Sanatana Dharmam & Dharmo rakshoati Rakshitha" and the logo is not allowed. Copyright © sanatanadharm.com All Rights Reserved . Made in India.